Янги Зеландияда бўлиб ўтаётган ёшлар ўртасидаги Жаҳон чемпионатидаги иштирокини давом эттираётган Ўзбекистон U-20 терма жамоаси мамлакат пойтахти — Веллингтон шаҳрига етиб келди.
Айнан ушбу шаҳардаги “Вестпак” стадионида Ўзбекистон ёшлар терма жамоаси Жаҳон чемпионати чорак финал босқичи доирасида Сенегалга қарши ўйинни ўтказади.
Равшан Ҳайдаров бошчилигидаги жамоа Вангарейдан Велингтонга келиб “Амора” меҳмонханасига жойлашди ва бу ерда бугун илк машғулотларни ҳам ўтказди.
Эслатиб ўтамиз, Сенегалга қарши ўйин 14 июнь куни Тошкент вақти билан 09:30да бошланади.
