“Бухоро” - “Металлург” (0:3) учрашувидан сўнг ташкиллаштирилган матбуот анжуманининг иккинчи қисмида мезбонлар устози Жамшид Саидов иштирок этди, дея хабар бермоқда "Бухоро" расмий сайти.

“Авваломбор, рақибларни ғалаба билан табриклайман. Бизни қўллаб-қувватлаб турган мухлисларимиздан эса узр сўрайман. Футболчиларимиз қўлидан келганча ҳаракат қилишди, афсус гол уришни уддасидан чиқишмади. Агар Сухроб Нематовнинг учрашув бошида йўллаган зарабаси дарвоза устунига эмас, балки гол бўлганида, шогирдларимда ўзига ишонч янада ортарди ва ижобий натижа қайт этилиши ҳам мумкин эди.

Камчиликлар бор, уларнинг устида жиддий ишлаймиз. Лекин ҳозир биз таркибни ҳеч қанақасига кучайтира олмаймиз, дастлабки давра якунланганидан сўнг албатта таркиб борасида жиддий ислоҳотлар қиламиз” - дея ўз сўзини якунлади Саидов.