“Насаф” – “Динамо” (2:0) ўйинидан кейинги матбуот анжуманида меҳмонлар устози баҳс ҳақида қуйидагича фикр билдирди.

-Бугун бизга қийини бўлишини билардик, -дея сўз бошлади Тачмурад Шамакович. -“Насаф” Осиё Чемпионлари лигаси иштирокчиси, ўйин ташкил этиш бўйича юқори савияга эга жамоа ҳисобланади. Шуни алоҳида қайд этишим лозим: биз ОЧЛда иштирок этган ўзбек клублари орасидан “Насаф” жамоасини ўйинни ташкил этиши менга кўпроқ ёққанди.

Афсуски, илк ҳужумданоқ мудофаа чизиғи вакилларининг ўзаро тушунмовчилигидан кейин гол ўтказиб юборишга мажбур бўлдик. Бундан жамоага қарши ўйинни гол ўтказиб бошлаш жуда оғир. Шунга қарамай йигитлар охиригача ҳаракат қилишди. Иккинчи бўлимда футболчимизнинг майдондан четлатиши ҳам мағлубиятимизга муҳим роль ўйнади. Албатта, бу ҳолат юз бермаганда ҳам биз яна гол ўтказишимиз ва балки тўп киритишимиз мумкин эди.

Аммо факт бу фактлигича қолади. Таркибимизда ҳужумчи билан боғлиқ муаммолар туфайли бугунги ўйинда Азиз Ибрагимовни ҳужум чизиғида ўйнатишга мажбур бўлдим. Умуман бизнинг захирамизда бир бирини ўрнини тўлдирадиган футболчи йўқ.