Малайзия Биринчи лигасида фаолият олиб бораётган Фарҳод Тожиев томонидан киритилган гол эвазига "Т-Тим" жамоаси навбатдаги турда "Куала Лумпур" клубини мағлуб этди (2:1). Тожиев ўйин тугашига 5 дақиқа қолганида белгиланган пенальтини аниқ амалга ошрирди.
Ўзбекистонлик ҳужумчи мазкур ғалабани жамоанинг марҳум аъзоси Девид Онияга бағишлашини айтиб ўтди.
"Девид бизнинг ҳақиқий сардоримиз эди. У оламдан ўтган куни кечаси бутун жамоа йиғлади. Бугунги голимни ва ғалабани унга бағишлаймиз. Ония учун ҳам биз чемпионатда ғалаба қозониб, Суперлига йўлланмасини қўлга киритишимиз керак", - дейди Фарҳод Тожиев.
Ушбу ғалабадан кейин "Т-Тим" жамоаси ўз очколарини 26тага етказди ва яқин таъқибчиларини 4 очкога ортда қолдирмоқда.
