Озарбайжон пойтахти Боку шаҳрида давом этаётган биринчи Европа ўйинларида Россия делегацияси 47 та олтин, 25 та кумуш ва 22 та бронза медалини қўлга киритган ҳолда умумжамоа ҳисобида якка пешқадамлик қилмоқда.    Мусобақа мезбонлари Озарбайжон жамоаси ҳисобида 14 та олтин, 11 та кумуш ва 14 та бронза медали мавжуд ва улар ҳозирча ушбу жадвалда 2-ўринни эгаллаб туришибди. Учинчи ўринда бораётган Германия спортчилари ҳисобида 12 та олтин, 10 та кумуш ва 12 та бронза медали бор.    Европа ўйинларида ҳозирга қадар 40 давлат вакиллари совриндорлар сафидан ўрин эгаллашди. Шундан 25 давлат спортчиларига олтин медалларни қўлга киритиш насиб этган.    Биринчи Европа ўйинлари 28 июнга қадар давом этади.