Ўз лавозимидан истеъфога чиқишини эълон қилган ФИФА президенти Йозеф Блаттер "Блик" нашрига берган интервьюсида истеъфога чиқмаганини, аксинса, ўз келажагини ФИФА Конгресси ихтиёрига топширганини айтиб ўтди.
Блаттер ФИФАнинг 29 май куни бўлиб ўтган Конгрессидан ўз лавозимига бешинчи марта сайланганди, аммо орадан 4 кун ўтиб, истеъфога чиққанини эълон қилганди.
Зепп ФИФА музейи очилиш маросимида иштирок этиб, журналистларнинг истеъфо ҳақидаги саволига қуйидагича жавоб берди: "Мен истеъфога чиқмадим, ўзимнинг келажагимни ФИФАнинг навбатдан ташқари Конгресси ихтиёрига топширдим".
ФИФАнинг навбатдан ташқари Конгресси 20 июль куни бўлиб ўтади.
