“Пеньяроль” ҳужумчиси Диего Форланнинг фикрича, яна бироз вақтдан сўнг “Барселона” ва Бразилия терма жамоаси етакчиси Неймар жаҳоннинг энг кучли футболчисига айланади.

“Неймар ўсишда давом этмоқда ва яна бир неча йилдан кейин у дунёнинг энг кучли футболчиси бўлади”, - дея championat.com AS нашрига таяниб Форланнинг сўзларини келтиради.

Эслатиб ўтамиз, Неймар профессионал фаолиятини 2009 йили “Сантос” клубида бошлаган, 2013  йили эса “Барселона”га кўчиб ўтди. Футболчи 2010 йилдан бери мунтазам равишда Бразилия терма жамоасига чақирилмоқда.