Америка Кубоги тарихида биринчи марта мусобақанинг ярим финалига аргентиналик мураббийлар бошқараётган тўрт жамоа йўл олди.
Аргентина термаси жамоасига Херардо Мартино устозлик қиляпти, Чили билан Хорхе Сампаоли, Перу билан Рикардо Гарека ишлаётган бўлса, парагвайликларга Рамон Диас мураббийлик қилмоқда.
Эслатиб ўтамиз, Чили - Перу учрашуви 30 июнда (Тошкент вақти билан 04:30да бошланади) Сантьяго шаҳридаги стадионда бўлиб ўтади. Аргентина ва Парагвай термалари эса 1 июль куни (ўйин Тошкент вақти билан 04:30да бошланади) ўзаро ҳисоб-китоб қилиб олишади.
Турнирнинг учинчи ўрни учун баҳс ва финал ўйинлари 4 июлда бўлиб ўтади.
Айни вақтда Артуро Видаль (Чили) ҳамда Хосе Паоло Герреро (Перу) Америка Кубоги мусобақасининг энг яхши тўпурари бўлиб турибди. Улар ҳисобида учтадан гол мавжуд.
