Бразилия терма жамоаси бош мураббийи Дунга Америка кубоги чорак финалида Парагвайдан учралган мағлубиятдан сўнг (1:1, пенальти - 3-4) фикрларини билдирди.
"Бу баҳона эмас, аммо 15 ўйинчимиз инфекция юқтириб олишган эди ва биз машғулот режаларимизни қисқартирган эдик. Футболчилар бош, бел оғриқлари ва кўнгил айниш каби муаммоларга дуч келдилар. Баъзилари жуда қийналдилар.
Биз футболчиларнинг кучини сақлаш учун машғулотларни қисқартирдик. Виллиан ва Робиньо ўзларини ёмон сезишди.
Умуман олганда, биз ҳавода рақибга ўйин бермадик. Ҳал қилувчи ҳужумларни уюштиришда бизга тезлик етмади.
Америка кубоги - қийин мусобақа. Бразилия унда ғолиб чиққан мана, энди ютқазди. Ютқазар экансан, нимадир етишмаганлигини гапирасан. Бу сафар бизга Неймарни қўшиб ҳисоблаганда 5та футболчи етишмади, аммо қимматли тажриба орттирдик. Албатта, мусобақада ғолиб чиқишни истаган эдик, лекин асосий мақсадимиз ЖЧ саралаши бўлади", - дейди Дунга.
