Испания терма жамоаси ҳамда "Валенсия" клуби собиқ дарвозабони Сантяго Канисарес "Реал" сардори Икер Касильяс ҳақида фикр билдирар экан, мухлислар тарафидан унга ноҳақлик бўлаётганини таъкидлаб ўтди.

"Касильяснинг бундай ҳолатга тушиб қолгани менга ёқмаяпти. Мухлислар унга нисбатан ноҳақлик қилмоқдалар. Икер шахсан мен томонимдан қаттиқ ҳурматланади ва у бунга тўла ҳақли. Унга бошқа жамоа либосида майдонга тушиш осон бўлмайди. Аминманки, мухлислар Касильяс Мадридни тарк этган кунданоқ унинг қадрига ета бошлайдилар", - деди собиқ дарвозабон.

Эслатиб ўтамиз, Касильяснинг Мадридни ярк этиши ҳақидаги хабарлар кундан-кунга авж олиб бормоқда.