Бразилия терма жамоаси собиқ футболчиси Роналдо “пентакампеонлар”нинг сўнгги йиллардаги ўйини ва жамоа устози Карлос Дунгани танқид қилди.
Роналдо айниқса бразилияликларнинг Америка кубогида чорак финалда муваффақиятсизликка учрашгани ва мусобақа давомида ҳимоявий футбол намойиш қилишганидан норози.
“Бош мураббий, унинг штаби ва футболчилар ўртасида келишмовчилик бордек таассурот уйғонмоқда. Баъзи вазиятларда эса жамоанинг ўйин фалсафаси йўқлиги кўриниб қолди. Ахир Дунга терма жамоани бир йил аввал қабул қилиб олганди-ку. Бразилиянинг чинакам жамоа сифатида илиқ таассурот қолдирган вақти кам кузатилди. Одамлар ҳам тушунмовчиликларни кўриб туришибди. Ҳар бир омадсиз ўйиндан кейин Дунга жамоадаги вазиятни назорат қила олмаётганини беркитиш учун баҳона излаш билан шуғулланди”, — дея Роналдо сўзларини келтиради Championat.com.
