ЎзПФЛ раҳбарияти Тошкент шаҳар ИИБ билан биргаликда Олий Лига клублари вакиллари ва Республикадаги барча стадионлар директорлари иштирокида йиғилиш ўтказди.
Ушбу йиғилишда Ўзбекистон Чемпионати баҳсларини ўтказиш бўйича ташкилий масалалар муҳокама қилинди. Ўзбекистон чемпионати баҳслари ФИФА, ОФК ҳамда ЎФФ регламенти асосида ташкил этилиши ва ўтказилиши кераклиги алоҳида таъкидланди.
Шунингдек, Ўзбекистон Профессионал Футбол Лигаси раҳбарияти Терма жамоалар маркази билан ҳамкорликда Олий Лига клублари бош мураббийлари билан учрашишди. Ушбу учрашувдан кўзланган асосий мақсад мамлакат миллий терма жамоаларининг муваффақиятли иштирокини таъминлаш учун барча бирдек ҳисса қўшиши керак эканлиги таъкидланди. Олий Лига клублари миллий терма жамоаларга муносиб футболчиларни тайёрлашга алоҳида эътибор қараташи керак экани айтилди, шунингдек футболчиларда миллий ватанпарварлик руҳини кучайтириш борасида саволлар муҳокама қилинди.
Шу билан бир қаторда Олий Лига иккинчи давраси тақвими борасида ҳам бир қатор саволлар муҳокама қилинди.
