“Барселона”нинг амалдаги президенти Хосеп Мария Бартомеу “кўк-анорранглилар” собиқ раҳбари Жоан Лапорта ўз мулоҳазалари билан клубга зиён етказаётганини айтиб ўтди. Аввал Лапорта клуб раҳбариятини коррупцияда айблаганди.
“Куни кеча Лапорта “Барселона”ни коррупцияда айблашганини айтиб ўтди, бироқ аслида бундай эмас. Яхшиси у мени танқид қилсин, мен эътироз билдирмайман. Аммо клубни тинч қўйсин, унинг бу каби гапларига шунчаки қараб турмайман, бунга чидаб бўлмайди. Ҳа, клуб баъзи солиқ бўйича молиявий қоидаларни бузганликда айбланган, бироқ бу коррупция эмас. Лапорта “Барселона”га зарар етказаяпти. Клубни коррупцияда айблашда бас қилгани маъқул”, — дея Бартомеу сўзларини келтиради EFE га асосланиб Championat.com.
Эслатиб ўтамиз, кеча “Барселона” клуб президентлиги учун номзодини қўйган беш шахс рўйхатини эълон қилганди. Рўйхатга Бартомеу ҳам Лапорта ҳам киритилган. Каталония клуби президентлиги учун сайловлар 18-июлда ўтиши режалаштирилган.
