“Тоттенхэм” ўз расмий сайтида янги қуриладиган стадионнинг лойиҳаси суратларини эълон қилди, деб хабар бермоқда Sports.ru.

Хабарга кўра арена 61 минг мухлисни ўз бағрига олади ва 17 минг фанатни сиғдира оладиган бир қаторли трибунага эга бўлади.

Трибуналар Англиядаги одатий ўйингоҳлардагига нисбатан футбол майдонига яқинроқ жойлаштирилади (“Арсенал”нинг “Эмирэйтс” стадиони, 60 минг мухлисни сиғдира олади).

Янги арена 2018 йилнинг август ойида очилиши кутилмоқда. Шу тариқа, “Тоттенхэм” 2018/19 йилги мавсумни янги стадионда бошлайди.