“Бавария” собиқ бош мураббийларидан бири бўлган Феликс Магат жамоа ярим ҳимоячиси Бастиан Швайнштайгерга клубдан кетишни ва “Манчестер Юнайтед”га ўтишни маслаҳат бермоқда.
Магатнинг фикрича Германия терма жамоаси футболчиси манкунианликлар сафида катта муваффақиятларга эришиши мумкин.
“Бастиан билан бирга ишлаганим сабаб уни яхши биламан. Мен унга шу йили ёзда клубдан кетишни тавсия қиламан. Бу қарор фақат спорт нуқтайи назаридан эмас, шахсий сабаблар туфайли ҳам чиқарилиши керак. Бу каби ўзгаришлар индивидуалликни ривожлантиради ва маҳоратни оширади. Ҳорижда яшаш ва ишлаш у ерга сафар қилишдан кўра ўзгачароқ. “Манчестер Юнайтед”га ўтиш Бастианга фойда келтириши мумкин, сабаб у бошқа шароитга тушар ва ўзгача импульслар оларди. Бу ўзгариш Евро-2016 олдидан ҳам жуда катта фойда келтиради!, — дея Магат сўзларини келтиради Championat.com.
