Бахром Норсафар бошчилик қилаётган Ўзбекистон U16 аёллар терма жамоаси Хитойда бўлиб ўтадиган халқаро турнирда иштирок этадиган бўлди.

Вейфанг шаҳрида ўтказиладиган ушбу ўртоқлик мусобақаси 23 — 31 июль кунлари бўлиб ўтади.

Эслатиб ўтамиз, ушбу терма жамоа шу йилнинг ноябрь ойида бўлиб ўтадиган 16 ёшгача бўлган қизлардан ташкил этилган терма жамоалар ўртасидаги Осиё чемпионатига тайёргарлик кўрмоқда. Қитъа чемпионати ҳам айнан Хитойда бўлиб ўтади.

Ушбу терма жамоага 17 нафар футболчи қизлар таклиф этилган.

Ўзбекистон U16: Гулзода Амирова, Зарина Бобоева, Феруза Бобохўжаева, Рўзихон Асқарова, Малика Бурхонова, Дилдора Эргашева, Мафтуна Жонимқулова, Шаҳноза Қурбонова, Наргиза Маҳмудова, Севара Номуродова, Ўғилой Облақулова, Мафтуна Панжиева, Шахноза Шокирова, Лайло Шодиева, Мафтуна Шойимова, ШОҳида Тожиддинова, Фаёза Йўлдошева.