Москванинг “Спартак” клуби собиқ футболчиси Эммануэль Эменике фаолиятини БААнинг “Ал-Айн” клубида давом эттиради. 28 ёшли футболчи “Ал-Айн” таркибида ижара асосида тўп тепади. Эменикенинг трансфери Туркиянинг “Фенербахче” жамоасига тегишли.
“Хитойга кетган Асамоа Гьяннинг ўрнини билдирмасликка ҳаракат қиламан. Гьян ажойиб футболчи. Ўйлайманки, бу вазифани уддалай оламан. Бу ерга кўплаб совринларни қўлга киритиш учун келганман”, — деди расмий таништирув маросимида Эменике.
Маълумот учун, Эммануэль Эменике ўтган мавсум Туркия чемпионатида 27та учрашув ўтказиб, 4та гол киритишга муваффақ бўлган. 2011-2013 йиллар оралиғида ҳужумчи Москванинг “Спартак” клуби шарафини ҳимоя қилган.
