Малайзия Биринчи лигасида фаолият олиб бораётган Фарҳод Тожиев учун навбатдаги тур бахтсизлик билан тугади. “Т-Тим” ўз майдонида “Кедаҳ”ни қабул қилди. Ўйиннинг иккинчи бўлимида ҳамюртимиз рақиб ҳимоячиси билан тўқнашиб кетиши натижасида жароҳат олди ва майдонни эрта тарк этди. Шифокорларнинг текшируви натижасида Тожиевнинг чап тиззаси жароҳатлангани маълум бўлди. Жароҳатнинг тўла битиши учун 3-4 ой муддат вақт талаб қилинади. Ҳаттоки, футболчи операция қилиниши ҳам мумкин. Фарҳод мавсум давомида чемпионат доирасида 14та гол ва Кубок доирасида 3та гол бўлиб, тўпурарлар рўйхатини бошқариб бораётганди.

“Кедаҳ”га қарши ўйинда “Т-Тим” мағлубиятга учради (0:2) ва ушбу рақибни жадвалда ўзидан олдинга ўтказиб юбориб, 2-ўринга тушиб қолди. Ушбу ўйинда Садриддин Абдуллаев майдонга тушмади.

Дарвоқе, Фарҳод Тожиев 24 июль куни “Ливерпуль”га қарши ўтказиладиган ўйин учун Малайзия клублар терма жамоаси сафига таклиф этилганди. Мерсисайдликларга қарши ўртоқлик ўйинида ҳамюртимиз иштирок эта олмайдиган бўлди.