"Реал" жамоасини тарк этиб, "Порту"га йўл олган Икер Касильяснинг онаси Мари Кармен ўз ўғлига нисбатан адолатсизлик қилинди, деб ҳисобламоқда.
"Ўғлим "Порту"да ўйнайдиган бўлди? О, худойимей! Бу ҳақида эшитганимда, Икер Римда ўзига янги уй излаётганди. Мен унга дарҳол қўнғироқ қилдим ва "Сен нималар қилиб юрибсан? "Реал"дан кетмаслигинг керак!", дедим.
"Порту"да ўйнаш Икер даражасидаги футболчи учун Испаниядаги учинчи дивизион жамоасида ўйнаш билан баробар. Жаҳон чемпиони учун ўз фаолиятини "Порту" каби жамоада якунлаш ярашмайди.
У ўзи истаган жамоада фаолиятини якунлаши мумкин эди. Мен ҳатто у "Барселона"га ўтиб, футболчилик фаолиятининг охирги даврини ўша ерда ўтказишига ҳам қарши эмасдим. Бу жамоани "Реал"дагидан фарқли равишда ҳақиқий жентльменлар бошқаришади", дейди Кармен хоним.
