"Манчестер Юнайтед" бош мураббийи Луи ван Гал жамоа дарвозабони Давид де Хеанинг "Реал"га ўтиши борасидаги саволга жавоб берди.
"Мендан Де Хеанинг қандай қарорга келиши ҳақида сўраш аҳмоқлик деб ҳисоблайман. Шунингдек, Ромеронинг "МЮ" билан шартнома имзолаши борасида ҳам ҳеч нарса айта олмайман, чунки, жараён давом этмоқда. "МЮ"нинг стратегияси ҳақида ҳам бирон гап айта олмайман.
Икки-уч матбуот анжуманидан буён менга бир хил саволлар бериляпти. Балки, сиз айтгандай, ҳаммаси Де Хеанинг ўзига боғлиқдир. У қоладими? Мен билмайман. Балки, сиз биларсиз? Сиз Давид билан гаплашдингизми? У жамоа билан зўр бериб шуғулланмоқда", - дейди Ван Гал.
