Хабарингиз бор, ФИФА томонидан “Барселона” клубига қўлланилган чекловлар туфайли жамоанинг янги аъзоси Арда Туран 2016 йилнинг январигача “кўк-анорранглилар” сафида майдонга тушолмайди. Клуб президенти Хосеп Мария Бартомеу ушбу вазиятга ўз муносабатини билдириб ўтди.
“Тураннинг ижараси? Бу вариант ҳам истисно эмас. Сўнгги гапни Луис Энрике айтади ва бу ҳақиқий мураббийнинг қарори бўлиши керак.
Агар шундай бўлса, биз Туранни фақат Чемпионлар Лигасида қатнашмайдиган жамоага берамиз”, - дея eurosport.ru Goal.com интернет-порталига таяниб Бартомеунинг сўзларини келтиради.
