"Реал"нинг собиқ дарвозабони Икер Касильяснинг агенти Сантос Маркеснинг маълум қилишича, унинг мижози мадридликлар сафини тарк этишни истамаган.

"Касильяс клубдан кетишни истамаган эди, аммо раҳбарият уни мажбур қилди. Ҳуштакбозлик бошқа нарса, клубнинг қўллаши бошқа нарса. Рафа Бенитес мени хафа қилди, чунки у Касильяснинг жамоада қолиш ёки қолмаслиги ҳақида бир гап айтмади. Агар у Касильяс билан гаплашганда, ҳаммаси бошқача бўлиши мумкин эди. Кимдир менинг мижозимни қолишини қатъий хоҳламаган.

Икер ўзини жуда ёмон сезди, у фақат матбуот анжуманидагина йиғлагани йўқ. Бошқа кўплаб мухлислар ҳам йиғлаган бўлишлари керак, чунки мен 40 йиллик фаолиятимда бунақасига дуч келмаганман", - дейди аегнт.

2000 йилдан буён "Реал" дарвозасини қриқлаб келаётган Икер Касильяс "Порту" билан икки йиллик шартнома имзолади.