"Арсенал" ҳимоячиси Бен Уайт фаолиятини Испанияда давом эттириши мумкин.
"El Nacional" нашрининг хабарига кўра, Лондон клуби шу ёзда ўз футболчисини сотишга тайёр. "Тўпчилар" 28 ёшли ўйинчининг хизматларини "Барселона"га таклиф қилишган. Ҳозирча "кўк-анорранглилар"нинг ушбу трансферга қизиқиш ёки қизиқмаслиги номаълум.
Бен Уайт 2021 йилда "Брайтон"дан "Арсенал"га 58 миллион евро эвазига ўтган эди. Унинг лондонликлар билан шартномаси 2028 йил 30 июнгача амал қилади. Жорий мавсумда ҳимоячи "тўпчилар" сафида барча турнирларда 19 та ўйинда иштирок этиб, битта гол урди ва иккита голли узатмани амалга оширди. "Transfermarkt" портали Уайтнинг қийматини 30 миллион еврога баҳоламоқда.
