“Челси”нинг сўнгги мавсумни “Фиорентина”да ижарада ўтказган ярим ҳимоячи Муҳаммад Салоҳга бошқа ишонч билдирмаслиги ойдинлашиб бормоқда.
London Evening Standard нашрига таяниб championat.com сайтининг хабар беришича, “кўклар” устози Жозе Моуриньо мисрлик футболчини жамоасининг Шимолий Америка бўйлаб мавсумолди турнесига олиб кетмасликка қарор қилган.
“Фиорентина” Салоҳ билан ижара шартномасини узайтиришни хоҳлаганди. Аммо футболчи италян клубига қайтишдан бош тортди. Шундан сўнг “бинафшалар” мисрлик хавбекни келишув шартларини бузганликда айблаб чиқди.
Футболчининг келажаги сўроқ остида қолмоқда. Аммо матбуотда унинг хизматларига “Интер” ҳамда “Наполи” клубларининг қизиқиш билдираётгани ҳақида ёзилмоқда.
