“Андижон” жамоасининг ўз қароргоҳида олиб бораётган тайёргарлиги давом этмоқда. Бугунги машғулотлар ҳам икки маҳал “Соғлом авлод” стадионида ўтказилди.

Таркибда янги ўйинчилардан Иқбол Бобохонов, Баҳодир Муртазоев, Шаҳбоз Жумабоев, Рустам Боқиев, Хондамир Юлдашев машғулотлар иштирок этишаётганини айтиб ўтгандик. Шунингдек, машғулотларда Турсунбой Хусанов ҳам қатнашмоқда. Бугун “Андижон” сафига ҳужумчи Отабек Исроилов ҳам қўшилди. Биринчи даврани “Бухоро” жамоасида ўтказган фарғоналик бу футболчи “Андижон” машғулотларида қатнашишни бошлади. “Бухоро”даги ўзгаришлардан кейин Исроилов жамоани тарк этди. Таркибга яна янги ўйинчиларни қўшилиши кутилмоқда, дея хабар бермоқда клуб расмий сайти.