УЕФА президенти Мишель Платини ФИФА раҳбарлиги учун ўтадиган сайловларда иштирок этади, деб ёзмоқда Sports.ru AS га таяниб.
Хабарга кўра, Платини Европадан ташқари яна тўртта конфедерацияни кўндирган, Америка конфедерациялари, шунингдек, Австралиянинг жавобини кутаяпти.
Европа конфедерацияси раҳбарлигига Германия футбол иттифоқи президенти Вольфганг Нирсбах асосий номзод экани таъкидланмоқда.
ФИФА президентлиги учун сайловларнинг қачон бўлиб ўтиши душанба куни Цюрихда эълон қилинади. Эслатиб ўтамиз, ташкилотнинг амалдаги президенти Зепп Блаттер коррупцион машмашалар сабаб май ойида қайта сайланганига қарамай истеъфога чиқмоқчи эканини маълум қилганди.
