Девис кубогининг Осиё-Океания минтақаси биринчи гуруҳ иккинчи босқичидан ўрин олган Ўзбекистон – Жанубия Корея тўқнашувида бугун жуфтликлар ўртасидаги учрашув бўлиб ўтди.
Денис Истомин/Фаррух Дўстов жуфтлиги Жи Сунг Нам / Мин-Кю Сонг жуфтлигига қарши баҳс ўтказишди. Ҳамюртларимиз 3та сетда рақибларини мағлуб этишди. Дастлабки сетда ўзбекистонликлар 6:2 ҳисоби билан нисбатан осонлик билан ғалаба қозонишган бўлса, кейинги сетларда кореяликлар жиддий қаршилик кўрсатишди — 7:5, 7:6.
Демак, дастлабки икки кун натижаларига кўра, жамоамиз 2:1 ҳисобида олдинга чиқиб олди. Эртага яна яккалик баҳслари ўтказилади. Фаррух Дўстов Сеонг Чан Хонг билан, Истомин эса Хеонг Чанг билан ўйнайди.
Жамоамиз битта учрашувда ғалаба қозонса, кейинги босқичда Жаҳон лигасига чиқиш учун ўтиш турнирида иштирок этиш ҳуқуқига эга бўлади.
