Робин ван Перси интервью бериб, «Манчестер Юнайтед» бош мураббийи Луи ван Гал унга асосий таркиб учун курашиш имкониятини бермаганини айтиб ўтди.
«Мен Луини терма жамоа бош мураббийи сифатида билардим, энди эса мен уни клуб бош мураббийи сифатида яхши билиб олдим. Орада фарқ бор.
Май ойида ван Гал билан суҳбатлашганимдан кейин «Манчестер Юнайтед»даги тақдирим мавҳум эканини ҳис қилдим. Лекин таътилдан кейин барчаси бошқатдан бошланишига умид қилгандим. Аввал ҳам ван Гал мен ҳақидаги фикрини ўзгартирганди. У терма жамоани қабул қилиб олганидан кейин менга: "Сен ҳужумчилар ичида учинчи рақамдасан", деганди. Лекин мен таслим бўлмадим ҳамда биринчи рақамли ҳужумчига айланиб, терма жамоа сардорига айландим.
Таътилдан кейин «Манчестер Юнайтед» сафига қайтганимдан кейин тушуниб етдимки, бундан кейин соғлом рақобат бўлмайди. Менга асосий таркиб учун курашиш имкониятини беришмади. Ван Гал мени иккинчи майдонга жўнатди. Мен эса тажрибали футболчиман, аҳмоқ эмасман.
Мен жаҳл қилмадим, ортиқча ҳиссиётга берилмадим. Бундай нарсалар — футбол ва ҳаётнинг бир қисми. Ҳар қандай вазиятда оптимал қарор қабул қилиш керак. «Фенербахче»га ўтиб, мен шундай йўл тутдим", – дейди ван Перси.