“Селтик”нинг янги ҳужумчиси Надир Чифтчи Шотландия чемпионатининг стартини ўтказиб юборади, деб хабар бермоқда Sports.ru.
Якунига етган мавсумда 22 ёшли туркиялик футболчи “Данди Юнайтед” сафидаги учрашувда дубль қайд этган ва ўша учрашувда ҳимоячи Жим Макалистерни тишлаб олишга ҳам улгурганди.
Чифтчи ўшанда майдонда қолган, аммо мавсумнинг қолган икки ўйинидан четлатилганди. Кейин Шотландия лигаси тартиб-интизом қўмитаси футболчи воқеани инкор этгани сабабли уни 6 ўйинга дисквалификация қилди.
Ёзги трансферлар вақтида Чифтчи “Данди Юнайтед”дан “Селтик”га 1,5 миллион фунт эвазига кўчиб ўтди.
