“Ливерпуль” ҳужумчиси Марио Балотелли собиқ жамоадоши Раҳим Стерлингнинг собиқ клуби “Манчестер Сити” таркибида илк голини киритгани билан табриклади. 

24 ёшли италиялик футболчи “қизиллар” фанатларини Стерлингни қўллаб-қувватлашга ҳам чақирди. Англиялик футболчи “Рома”га қарши Халқаро чемпионлар кубоги учрашувида гол киритганди.

– Баракалла, Раҳим! – дея Балотелли ўз твиттерида ёзган сўзларни келтиради “СЭ”. – Ажойиб жавоб. Шу руҳда давом эт. “Ливерпуль” фанатлари дунёдаги энг яхши мухлислар, лекин Стерлинг ажойиб футбол намойиш қилишда давом этади деб ўйлайман, у шунга муносиб. У яхши йигит ва иқтидорли футболчи. Уни аввалгидек қўллаб-қувватланг. Стерлинг “Ливерпул”га ўзи бера олиши мумкин бўлган барча нарсани берди – у ҳурматга муносиб. Бу каби ҳолатларнинг бўлиши кўнгилни ҳижил қилади. “Ливерпуль” ҳам бир катта оила эканини унутмайлик.