Иккинчи даврага тайёргарлик кўришни бошлаган «Динамо» жамоаси 19 июль кунидан бошлаб Тошкент вилоятидаги тоғли Дукент шаҳарчасида тайёргарлик доирасидаги иккинчи йиғинни бошлади.

Ушбу маскандаги ўқув-йиғинида Баҳром Ҳакимов бошчилигидаги жамоамиз 10 кун мобайнида машғулотлар олиб боради. Шундан сўнг жамоа Самарқандга қайтиб, иккинчи давранинг дастлабки ўйини – 2 август куни сафарда ўтадиган «Қўқон-1912» клубига қарши баҳсга ҳозирлик кўради.

Айни дамда жамоа таркибига бир қатор маҳаллий футболчилар йиғилган. Жумладан, Илҳом Юнусов, Ҳамдам Раҳмонов, Акмал Бозоров, Искандар Холмирзаевлар клуб машғулотларида иштирок этишмоқда. Қайд этиш жоиз, Илҳом Юнусов «Насаф»дан ижара асосида «Динамо»га келиб қўшилди.

Қувонарлиси, жамоамизнинг содиқ футболчиси Сирожиддин Сайфиев ҳам ярим йиллик танаффусдан сўнг жароҳатини даволаб сафга қайтди, дейилади клуб расмий сайтидаги хабарда.