“Реал” ҳужумчиси Криштиану Роналду жамоанинг янги бош мураббийи Рафаэль Бенитес билан ҳали ҳамон тил топиша олмаяпти, деб ёзади championat.com.
Cuatro телеканали “қаймоқранглилар”нинг сўнгги машғулоти акс этган видеолавҳани намойиш этди. Унда голни бекор қилгани учун португалияликнинг мураббийни қаттиқ койиб бергани тасвирланган.
Роналду португал тилида: “Vai Caralho!” деб бақирган. Бу ҳақоратли ибора бўлиб, у киши бошқа бировнинг хатти-ҳаракати ва қарорини хато деб билиб, ундан жаҳли чиққанида ишлатилади.
Аввалроқ Бенитес "Роналду дунёнинг энг яхши футболчисими?" деган саволга аниқ жавоб беришни истамаганди. Ушбу ҳафта бошида эса Криштиану жамоадаги шериклари ва мураббийдан хафа бўлгани учун машғулотлардан бирини эрта тарк этганди.
