21 ёшли футболчи “МЮ” афсонаси бўлишни ўзига қаттиқ мақсад қилиб олганлигини ва Луи ван Гал қўл остидаги мунтазам машқлардан сўнг ўзининг аста-секин ривожланиб бораётганини айтиб ўтди.
Депай “ПСВ” таркибидан 22.3 млн евро ҳисобига июнь ойида жамоага келиб қўшилди ва “Сан-Хосе Эртквейкс”га қарши учрашувда ўйинга тушиб, 1-голини ҳам киритишга улгурди.
Ўзи янги жамоаси ҳақида шундай фикр билдирди: “Албатта, клубда қаҳрамон бўлишни хоҳлайман. Шунинг учун ўз устимда қаттиқ ишлаяпман. Мен ҳали ёшман ва ривожланиб боришим керак. Премьер-лигада муҳит умуман бошқача, кейин нима бўлишини вақт кўрсатади”.
