Иккинчи даврага Қарши шаҳрида ҳозирлик кўраётган “Насаф” футболчилари эртага Тошкентда Ғузорнинг “Шўртан” жамоаси билан  ўртоқлик учрашувини ўтказишади.

Рўзиқул Бердиев шогирдлари 17 июлдан бошлаб Қарши шаҳрида кунига икки маҳалдан машғулотлар ўтказишмоқда. Аввал хабар берганимиздек, жамоа таркибини расман Ботир Қораев ва Илҳом Юнусов тарк этишди. Шунингдек, етти нафар футболчи – Элдорбек Суюнов, Илҳом Шомуродов, Фарруҳ Сайфиев, Одил Ҳамробеков, Шоҳрух Гадоев, Шуҳрат Муҳаммадиев, Шерзод Аъзамов Ўзбекистон миллий терма жамоаси таркибида машғулотларда иштирок этишмоқда. Жамоанинг словениялик легионери Рок Рой сафга қўшилган бўлса, жамоа сардори Артур Геворкян тез орада таътилдан сафга қайтади. Жамоа мураббийлар штаби айни пайтда Ўзбекистон жамоалари орасидан ҳужумчи излашмоқда. Янги мавсум бошлангунига қадар таркибда ўзгаришлар бўлиши мумкин.

“Насаф” – “Шўртан” жамоалари назорат учрашуви бугун, 24 июль куни “Бунёдкор” стадиони машғулотлар майдонида соат 19:00 да ўтказилиши режалаштирилган.