Сергей Лушчан бошчилигидаги “Бунёдкор” футболчилари давралар оралиғидаги иккинчи назорат учрашувини ўтказишди.

Спарринг рақиб водийнинг “Андижон” жамоаси бўлди. “Қалдирғочлар” мураббийлари давралар оралиғидаги иккинчи назорат учрашувида ҳам худди “Машъал”га қарши бўлгани каби дастлабки бўлимда ёшлар таркиби футболчиларига имкон беришди. Иккинчи таймда эса бир мунча тажрибали футболчилар тўп тепишди. “Андижон”нинг асосий таркибига қарши кечган баҳс “Бунёдкор”нинг тўлиқ устунлигида ўтди. Учрашувда қайд этилган натижа ҳам шунга яраша бўлди – 4:1.

“Қалдирғочлар”дан Муҳаммадодил Қаҳрамонов, Анвар Ражабов 2та ва Сардорбек Азимов томонидан киритилган голларга андижонликлардан Анвар Бердиев пенальтидан бир бор жавоб қайтарди.

Сергей Лушчан шогирдлари 25 июль куни ўзларининг учинчи назорат учрашувларини Бекободнинг “Металлург” клубига қарши ўтказишади. Баҳс “Бунёдкор” футбол мактаби майдонида соат 19:00да бошланади.

Назорат учрашуви
“БУНЁДКОР” – “АНДИЖОН” 4:1 (1:0)
Голлар: Муҳаммадодил Қаҳрамонов 2 (1:0), Анвар Ражабов 48 (2:0), Анвар Бердиев 76 пенальти (2:1), Анвар Ражабов 81 (3:1), Сардорбек Азимов 85 (4:1)
“Бунёдкор”: Элёр Адҳамов, Босит Раҳимов, Георгий Погосов, Муҳаммадодил Қаҳрамонов, Фарҳод Намозов, Шоҳзод Абдураҳимов, Нурилло Тўхтасинов, Вячеслав Пурак, Санжар Қодирқулов, Иброҳим Ғофуров, Жавоҳир Эсонқулов
Иккинчи бўлимда заҳирадан майдонга тушганлар: Муроджон Зуҳуров, Исломжон Қобилов, Рустамжон Ашурматов, Хуршид Ғиёсов, Александр Алемпиевич, Сардорбек Азимов, Нодир Мавлонов, Дилшод Жўраев, Анвар Ражабов, Жавоҳир Қаҳрамонов, Нуриддин Ҳасанов