«Барселона» бош мураббийи Луис Энрике халқаро чемпионлар кубоги турнири доирасида «Манчестер Юнайтед»га қарши ўйиндан (1:3) кейин англияликлар борасида ўз фикрини билдириб ўтди.
«Манчестер Юнайтед" ван Гал каби мураббий ва бундай ўйинчилар билан ҳар қандай вазифани бажара олади. Буни улар бир йил ичида уддалашлари мумкин.
Икки йил аввал биз мавсумни совринсиз якунлагандик, ўтган мавсумда эса "требл"ни расмийлаштирдик. «МЮ» ҳам бизнинг муваффақиятимизни такрорлаши мумкин. Бу буюк жамоа», – дея таъкидлади Луис Энрике.
