2010 йилда УЕФА томонидан умрбод футболдан четлатилган украиналик собиқ ҳакам Олег Орехов Украина чемпионатидаги нохолис ҳакамлик тўғрисида гапириб ўтди.
"Арбитрларга ҳамма пора таклиф қилади. Бу ерда яна бир схема бор. Клублар ҳакамдан ёрдам беришни сўраб, бунинг эвазига уни албатта рози қилишларини айтишади. Келишувга кўра арбитр ёрдам беради, шунда унга: "Биласизми, биз сизга ҳеч нима беролмаймиз. Чунки администраторимиз ўзига янги дала ҳовли қуряпти”, деб жавоб қайтаришади.
Мен "Металлист" – "Шахтер" учрашувини бошқаргандим. Аслида ҳаммаси шундан бошланган эди. 2009 йил, 15 март, иккинчи ўрин учун ўйин.
Игорь Валерьевич (Коломойский) Ярославскийга қўнғироқ қилиб: "Дўстим, ўйинни Орехов бошқаради”, деб айтади. У эса “Менга кимнинг ҳакамлик қилишининг фарқи йўқ”, деб жавоб беради.
Мен ўйинни бошқардим, ўшанда кимгадир ёқмайдиган пенальти белгиладим. Ҳисоб 2:0 эканида Халамендик (ёрдамчи ҳакам) "Металлист"нинг тоза голини ҳисобга олмади. Голни мен бекор қилганим йўқ эди. Шундан кейин Киевга қайтаётганимда аввалига 500 минг, кейин эса яна 300 минг “пора олибман”...
Аммо аслида мен ҳеч қандай пора олганим йўқ. Буни расман тасдиқлашим ҳам мумкин. На у жамоа, ва на нариги жамоадан ҳеч қандай салбий фикрлар билдирилмади. Чунки иккала жамоа билан ҳам муносабатларим яхши эди.
Лекин ҳозиргача бунга ҳеч ким ишонмайди, мана масала қаерда. Аммо айтишлари бўйича, "Шахтер" администратори ўзига Чехиядан бутун бошли меҳмонхонани сотиб олганмиш”, - дея bombardir.ru собиқ футбол ҳакамининг сўзларини келтиради.
