“Арсенал” клуби жамоа ярим ҳимоячиси Тео Уолкотт билан янги 4 йиллик келишув имзолайди. Бу ҳақида championat.com Mirror нашрига таяниб хабар берди.
Футболчининг аввалги шартномаси 2016 йил ёзигача мўлжалланганди.
Янги битимга кўра Уолкоттнинг ҳафталик маоши 100 минг фунтдан ошади ва у жамоанинг энг кўп маош олувчи ўйинчиларидан бирига айланади.
Эслатиб ўтамиз, Тео “Арсенал” шарафини 2006 йилдан бери ҳимоя қилиб келмоқда. Вингер шу кунгача “канонирлар” таркибида барча мусобақаларда 302та ўйин ўтказиб, 76та гол киритган.