Иккинчи даврага жиддий тарзда ҳозирлик кўраётган жамоамиз қисқа муддатли таътилдан кейин яна машғулотларга киришади. Бугунги машғулот соат 18:00да Қўқондаги “Марказий” стадионда бўлиб ўтади.
Жамоамиз сафига янги ўйинчи келиб қўшилди. Ўзбекистон олимпия терма жамоаси аъзоси Асилбек Омонов иккинчи даврани “Қўқон-1912” клубида ўтказади. Дарвозабон билан бугун расман шартнома имзоланди.
Асилбек Омонов йил бошида “Пахтакор”ни эркин агент сифатида тарк этганди. Омонов 2015 йилги чемпионатнинг биринчи қисмини биринчи лига вакили Чустнинг “Чуст-Пахтакор” жамоасида ўтказди.
Ўтган йили ҳам 1993 йилда таваллуд топган посбон биринчи лигада “Оқ-тепа” дарвозасини қўриқлаганди. Қишки мавсумлар оралиғида эса Омонов Самарқанднинг “Динамо” йиғинида ҳам бўлганди.
