“Бавария” раҳбарияти раиси Карл-Хайнц Румменигге клубнинг бош мураббий Хосеп Гвардиоланинг ишидан қониқиш ҳосил қилаётганини таъкидлаб ўтди. 

Кеча испаниялик мутахассиснинг “Манчестер Сити” билан келишувга эришгани хабар қилинганди. Хабарда таъкидланишича, мюнхенликлар билан шартномаси муддати келаси йили якунига етадиган Гвардиола янги келишув имзоламайди. 

Мураббий “Бавария” 2013 йилда келганди ва икки мавсумда у икки марта Бундеслига чемпиони бўлди, Германия кубогида ғалаба қозонди, УЕФА Суперкубоги ҳамда клублар ўртасидаги Жаҳон чемпионати бош совринини қўлга киритган. 

Аммо кўпчилик мухлислар ва мутахассислар унинг қўл остида “Бавария”нинг ЕЧЛда муваффақият қозона олмаётганидан норози.

– Гвардиоланинг ишидан қониқиш ҳосил қилаяпмиз, – дея Румменигге сўзларини келтиради Kicker га таяниб “СЭ”. – У клубда катта ҳажмдаги ишни олиб бораяпти. Агар Хосеп қолишни истаса бу биз учун яхши янгилик бўлади. Борди-ю кетишни истаса бу жамоа учун “охир замон” бўлмайди.