Хабар берганимиздек, бугун ЎФФ мажлислар залида Ўзбекистон Биринчилигининг 2-босқич ўйинларига қуръа ташлаш маросими бўлиб ўтди.
Тадбирда сўзга чиққан ПФЛ Бош директори 1-лига етакчилари “Обод” ва “Оқ-тепа” расмийларидан стадионда мухлисларга шароит яратиб қўйиш кераклигини талаб қилди.
- Кичик бўлса ҳам стадиондаги шароитларни яхшилаб қўйинглар. Мухлислар мазза қилиб футбол томоша қилишсин. Бу талаб ҳамма клубга тегишли. Хусусан, “Обод” ва “Оқ-тепа”га. “Оқ-тепа”да олифта ишқибозлар бор. Писта чақиб, оғзига келган гап билан ҳақорат қилади. Уларни тартибга солиб қўйинглар. Сўзларим жиддий, ҳамма амал қилиши лозим. Сизларда интизом қандай бўлса, ўйин ҳам шундай бўлади.
