«Челси» бош мураббийи Жозе Моуриньо Халқаро чемпионлар кубоги доирасида «Барселона»га қарши бўлиб ўтган ўйин (2:2, пенальтилар бўйича - 4:2) борасида ўз фикрларини билдириб ўтди.
«Бугун ишқибозлар жуда зўр мухлислик қилишди — ҳам «Челси», ҳам «Барселона» ишқибозлари. Ҳар иккала жамоа мағлубиятдан хавотир олмай ўйнади, аммо пенальтилар серияси натижаси мухлислар учун муҳим эди.
«Барселона» биз учун ажойиб синов вазифасини ўтаб берди. Яхши жамоаларга қарши ўйинлар бизга керак. Бунинг учун "Барселона"га катта раҳмат.
Кэйхиллнинг бурни синган бўлиши мумкин. Диего Коста эса сонининг орқа қисмида оғриқ сеза бошлади, лекин аниқ ташхис қўйиш учун вақт керак.
Мавсумолди тайёргарлиги учун 21 кун камлик қилади. "Арсенал"га қарши ўйин назорат учрашувига ўхшаш бўлади, аммо ўртага Суперкубок қўйилгани учун иштиёқ бошқача бўлади», – дейди Моуриньо.
