Хабарингиз бор, ПФЛ Регламентига кўра, олий ва биринчи лига клублари футболчи ҳамда мураббийларни “Футбол-МЕД” марказида тиббий кўрикдан ўтказиши шарт эди.
“Футбол-МЕД” шўъба корхонаси 1 апрелдан фаолиятини тўхтатди. Унинг ўрнида янада замонавий ва катта ҳажмда иш олиб борадиган тиббиёт маркази иш бошлади. Энди жамоалар мазкур марказда тиббий кўрикдан ўтишга мажбур.
Олган маълумотларимизга кўра, тиббий кўрикнинг нархи сезиларли даражада ошган. Яъни, баҳорда “Футбол-МЕД” билан бир йиллик шартнома тузиб, барча суммани ажратиб берган клублар энди янги марказда кўрикдан ўтиш учун алоҳида шартнома тузишади ва маълум миқдорда сумма ўтказиб беришади. Хуллас, йиллик сметага ўзгартириш киритишга мажбур бўлишади.
