Давралар оралиғида Малайзиядан яна «Пахтакор» сафига қайтган Дилшод Шарофутдинов иккинчи давра бошланишидан олдин «Динамо» билан келишувга эришди. Самарқандлик футболчи шартнома имзолгач, клуб расмий сайтига қисқача интервью берди.

«Энг аввало, ўзим туғилиб ўсган шаҳрим клуби - «Динамо»га қайтганимдан хурсандман. Ушбу клубда футболчи сифатида тўп суриб вояга етдим, 2009 йилда эса «Динамо»ни тарк этиб «Пахтакор» сафида тўп сурдим, кейин эса Малайзия чемпионатида фаолият юритдим. Сўнгги етти йил давомидаги фаолиятимдан қониқдим дея оламан. Иккинчи давра олдидан «Пахтакор» сафида тайёргарлик кўраётганимда, «Динамо» жамоасидан таклиф олдим. Клуб раҳбарияти ва бош мураббий Баҳром Ҳакимов Самарқандга қайтишимни сўрашди ва мен рози бўлдим. Менга билдирилаётган ишончни оқлаш учун бор куч ва имкониятимни ишга соламан. Жамоа таркиби етарлича кучли футболчилардан ташкил топган. Иккинчи даврада ҳеч бир жамоага осон бўлмасада, мухлисларимизни қувонтириш учун интиламиз» - дейди Дилшод Шарофутдинов.