“Локомотив” футбол мактабининг 2004 йилда туғилган тарбияланувчилари бугун эрталаб Россия пойтахти Москва томон парвоз қилишди.

“Локо-2004″ футболчилари у ерда “Локобол” турнирининг Суперфинал ўйинларида иштирок этишади.

Эсингизда бўлса, июнь ойида Барнаулда ўтказилган саралаш босқичида “Локомотив” ёшлари биринчи ўринни қўлга киритганди. Мана энди Эркин Саидов бошқарувидаги мактаб ўқувчилари Суперфиналда ҳам иштирок этишади.

Баҳслар эртага старт олади. “Локо-2004″ қайси гуруҳда кимлар билан баҳс олиб бориши ҳақида кейинроқ батафсил маълумот бериб ўтамиз, дейилади клуб расмий сайтидаги хабарда.