Ўзбекистон Футбол Федерацияси томонидан Қашқаларё вилояти Қарши шаҳрида Вилоят Футбол Федерацияси билан ҳамкорликда футбол мураббийлари учун иккита 5 кунлик ўқув курслари ташкил этилди.
Қарши шаҳрида 23-27 июл кунлари Вилоят футбол мураббийлари учун дастлабки ўқув курслари бўлиб ўтди.
Ўқув курсда вилоятдаги “Насаф” “Машъал” “Шуртан” ФМ мураббийлари БЎСМ ва БЎФМлардаги 30 нафар футбол мураббийлари иштирок этишди. Семинар инструктор-Ким Дмитрий Макарович ва координатор-Константин Смирновлар томонидан олиб борилди.
Ўқув курси режа асосида эрталаб соат 6-30дан 8-00 гача “Насаф”футбол мактабини суъний қопламали майдонида, ўқув назария амалиётлари эса соат 9-00дан 11-00гача Вилоят Футбол Федерацияси мажлислар залида ташкил этилди.
28-июлдан 1-августгача бўлиб ўтадиган футбол мураббийлари учун иккинчи ўқув семинари ҳам бошланди. Ушбу ўқув семинари ҳам биринчи семинар каби олиб борилмоқда, семинар бу гал малакали мутахассислар Азизжон Хошимов ҳамда координатор-Константин Смирновлар томонидан ўтказилмоқда.
Эслатиб ўтамиз, ушбу ўқув курсларини муфаққиятли тугатган футбол мураббийлари сентябр ва октябр ойларида Қарши шаҳрида бўлиб ўтадиган “С” категория бўйича, яъни мураббийлик курсларига жалб этилади.
Фахриддин ЧОРИЕВ.
