Европа лигаси 3-саралаш босқичида "Легия" - "Кукеси" учрашувида бошига тош теккан футболчи Ондрей Дуданинг жиддий жароҳат олмагани хабар қилинди.
Бу ҳақда футболчи тўп сурадиган "Легия" клуби расмий сайти маълум қилган.
Албания пойтахти Тиранада ўтган учрашувнинг 51-дақиқасида ишқибозлардан бири улоқтирган тош Дуданинг бошига тегди. Натижада ҳакам ўйинчиларни майдондан олиб чиқиб кетди ва кейинроқ ўйинни давом эттирмасликка қарор қилган эди. Шундан сўнг "Легия" ишқибозлари майдон эгалари трибунасига ёпирилиб полиция билан тўқнашди. Шу билан бирга албанилик мухлислар ҳам меҳмонлар трибунасига тош улоқтирдилар.
""Ярим тунга яқин Дудуанинг аҳволи яхши эканлигини эшитдик, бахтимизга унда фақат чуқур бош ёрилиши содир бўлган, холос", - дейилади хабарда.
"Легия" рақибига техник мағлубият ёзилиши керак деб ҳисобламоқда.
