Давралар оралиғи пайтида “Навбаҳор” жамоасига келиб қўшилган ярим ҳимоячи Алибобо Раҳматуллаев янги клуби борасида ўз фикрларини билдирди.
- “Навбаҳор”га ўтишимдан Бахтиёр ака Ашурматовнинг ҳиссаси катта бўлди. Чунки ушбу мураббий мени бу жамоага таклиф қилди. Тўғриси, наманганликлар шарафини ҳимоя қилишимдан хурсандман. Бу жамоага ўтиб, тўғри қарор қабул қилдим деб ҳисоблайман. Иккинчи даврада кўпроқ ўйин амалиётига эга бўлиш тарафдориман. Шу боисдан ҳам буни қабул қилдим. Ишонаманки, иккинчи даврада яхши ўйинларимни кўрсата оламан, - деб сўзини якунлади Раҳматуллаев.
Иззатбек Абдуваҳобов ёзиб олди.