Олий лиганинг 16-тури доирасида "Машъал" ўз майдонида Наманганнинг "Навбаҳор" клубини қабул қилади.

«Машъал» (Муборак) – «Навбаҳор» (Наманган)
3 август 2015 йил. Муборак. Баҳром Вафоев номидаги стадион. 18:30
Ҳакамлар: О. Толибжонов (Тошкент), Н. Рўзимов (Тошкент), А. Сидоров (Тошкент), Э. Турсунов (Бухоро)
Назоратчи: С. Нажафалиев (Тошкент).

“Машъал” ва “Навбаҳор” олий лигада жами 29 бора тўқнаш келишган. Натижалар муборакликларнинг устунлигини кўрсатмоқда. “Машъал” 12та ўйинда зафар қучган, 6та ўйинда дуранг қайд этилган. “Навбаҳор” ҳисоби 11та ғалаба бор. Тўплар нисбатида эса “Навбаҳор” олдинда - 38:34. Ўзаро ўйинларда “Навбаҳор” 39, “Машъал” 42 очкони қўлга киритган.

“Навбаҳор”нинг ўзаро ўйинларда қозонган энг йирик ғалабаси – 8:0 га тенг. “Машъал”да бу кўрсаткич 5:0 бўлиб турибди.

Биринчи турда Наманганда ўтган баҳсда “Машъал” 2:0 ҳисобида ғалаба қозонган. Владислав Иванов ва Шохрух Достоновнинг голлари Муборак клубига уч очко келтирган эди.

Муборакда ўтган сўнгги беш учрашув:
06.06.2014 «Машъал» - «Навбаҳор» 3:1
30.06.2012 «Машъал» - «Навбаҳор» 2:0
14.06.2011 «Машъал» - «Навбаҳор» 2:0
31.10.2010 «Машъал» - «Навбаҳор» 2:0
15.08.2009 «Машъал» - «Навбаҳор» 3:1

Ўзаро ўйинлар ҳақида факт: Бу жамоаларнинг Муборакда ўтган ўйинларида “Машъал” 9 бор зафар қучган. Уч бор ғолибни аниқлашнинг имкони бўлмаган. “Навбаҳор” ҳисобида 2та ғалаба мавжуд. Сўнгги марта “Навбаҳор” Муборакдан 2004 йил ғалаба билан қайтган. Шундан кейин ташкил этилган 9та учрашувда “Машъал” ўз уйида бу жамоани фақат мағлуб этган.