Сербия олий лигасида тўп тепаётган ҳамюртимиз Ҳусниддин Ғофуровнинг “Явор” клуби 3-турга келиб илк бор очко йўқотди. Иваницаликлар кеча сафарда Сербиянинг гранд жамоаларидан бири – “Войводина” меҳмони бўлиб, 0:2 ҳисобида имкониятни бой беришди.
“Явор Иваница” жамоаси дастабки икки турда ғалаба қозонган эди. Кечаги учрашувда Ғофуров бошланғич таркибда майдонга туширилди ва бир бўлим майдонда ҳаракат қилди.
Мағлубиятга қарамай, “Явор” турнир жадвалида 3-ўринда қолди. Иккинчи ўринда бораётган “Партизан” клуби ҳисобида ҳам 6 очко бор. Юз фоизлик натижа қайд этиб турган “Борац” жамоаси турнир жадвалида якка пешқадамлик қиляпти.
